catasós

crucesarte 2017

Coral Polifónica de Piloño

Vai Nela Salgueiros

concerto de reis

Resumo do Concerto Solidario de Reis do 2017, que tivo lugar o pasado 6 de xaneiro no Auditorio Valero Guzmán (Merza, Vila de Cruces). Actuaron as seguintes formacións: Grupo de Gaitas O Arco, Coral Polifónica de Piloño, Banda Infantil da Artísitica de Merza, Banda Xuvenil da Artísitica de Merza e Banda Artística de Merza.

beluso

A igrexa parroquial de Beluso (Bueu) acolleu o Festival Encanto. No certame, celebrado o día 18 de decembro, participaron as seguintes agrupacións corais: Coral Polifónica de Piloño (Vila de Cruces), Coral A Merced de Chaín (Gondomar) e Coral Polifónica de Beluso. Recollemos en vídeo o concerto completo.

escuadro

A Banda de Música A Lira (Prado-Lalín) actúa nas festas de Santa Isabel (Escuadro-Silleda) o día 2 de xullo de 2016.

luou

O 11 de xuño de 2016 celebrouse o XV aniversario da Coral Polifónica de Luou. Na igrexa parroquial de Luou actuaron as seguintes formacións: Coral Polifónica de Piloño (Vila de Cruces), Grupo de Canto Aleceia (Os Tilos-Teo) e Coral Polifónica de Luou (Teo).

festival de primavera

O Festival de Primavera tivo lugar o 4 de xuño de 2016 no Auditorio de Vila de Cruces. Actuaron as seguintes formacións corais: Coral Polifónica de Luou (Teo), Coral Polifónica Cantigas do Castro (Vilanova de Arousa), Coral Polifónica de Piloño (Vila de Cruces) e Orfeão SFA 1º de Dezembro (Alpiarça – Portugal).

música sacra [Cacheiras]

 
No vídeo, un dos catro temas interpretados pola Coral Polifónica de Piloño no III Festival de Música Sacra (Cacheiras, 12 de marzo de 2016).

va, pensiero

O día 6 de xaneiro tivo lugar en Merza (Vila de Cruces) o Concerto de Reis, que contou coa participación das seguintes formacións: Grupo de Gaiteiros “O Arco”, Pandereteiras “Zarabanda”, Banda Xuvenil de Merza, Banda Artística de Merza e Coral Polifónica de Piloño. Neste vídeo recollemos o Va, pensiero, o célebre coro do terceiro acto da ópera Nabucco, de Verdi.

E agora déixoche un amplo resumo de todo o concerto.
 

rematando o ano con música

Concerto da Coral Polifónica de Piloño na Residencia de Maiores de Pontepedriña (Santiago de Compostela)

 
Concerto da Coral Polifónica de Piloño en Cedeira

 
Concerto da Coral Polifónica de Piloño en Bertamiráns (Ames)

vinte anos non son nada

Vinte anos de traballo, de ilusión e de convivencia xa dan polo menos para unha gala…

 

Os seguintes tres vídeos son outros tantos intentos de recoller en imaxes a historia da Coral Polifónica de Piloño.

 

 

 

Todos os vídeos en Youtube: vídeo 1 (gala), vídeo 2, vídeo 3, vídeo 4.

concerto na Fundación Xosé Neira Vilas

O día 22 de agosto, sábado, asistín a un concerto da Coral Polifónica de Piloño na sala Luís Seoane da Fundación Xosé Neira Vilas (Gres, Vila de Cruces).

Non faltou entre o público don Xosé Neira Vilas, o anfitrión, que estivo acompañado por Tadashi Yamamoto, un antropólogo nipón que se embarcou na tarefa de traducir ao xaponés as Memorias dun neno labrego, unha obra que xa conta desde hai anos con traducións a moitas linguas, entre elas o chinés.

A presentación do acto correu a cargo de Luís Reimóndez, presidente do Centro de Iniciativas e Turismo da Estrada e fillo de Manuel Reimóndez Portela, o médico dos pobres.

Tamén en YouTube [aquí]