post

entroidos de oza 1/ viagra ou fame

Foi todo cuestión de tempo: o mal tempo obrigou á xente de Oza a correr o entroido fóra do seu tempo. Houbo que agardar polo san Xosé, e daquela, xusto un mes despois do previsto, si que saíron os cabalos, as carrozas, os coros de mozos e de vellos. Percorreron a parroquia durante todo o día e chegaron a Agoso cando xa era case imposible apartar os ollos da lúa inmensa.

[Eu andaba coa cámara e pode que me confundise o xogo de luces e de sombras –La noche me confunde, dixo Sócrates con acento cubano-, pero xuraría que, ao mirar de esguello, máis dunha vez vin que a magnífica lúa chea se sentaba discretamente entre o público e tarareaba as cancións dos coros con xestos mainiños que namoraban, si, que namoraban]

Houbo regueifas a fartar, e por aquí irán pasando Guardiola, Mourinho, Obama… e mesmo un pitillo respondón. Pero por algo hai que empezar, e hoxe deixo un desafío para que vexades como se resolve en Oza a guerra de sexos.

Comments

  1. eliseumera says:

    Tan pequeniñas e xa empapándose desas soflamas antimasculinas…

  2. [ …E magnífico sol !! ]
    Oza non merecía menos, que un día así de xeitoso.
    E aínda queda máis ??
    Será un inmenso pracer, ver tanta alegría
    e sentir tanta festa.
    Bicaso

  3. Caravaggio says:

    E non repararon vostedes no efecto que a lúa chea causou no cabaliño?

    • Na súa videocamara nada pasa desapercibido….
      E, é que entre o Sol a Lúa e tantas estreliñas danzantes o campo da festa de Oza ben podia ser a Vía Láctea e o cabaliño chamarse Zenit…
      cousas da gravitación, supoño.
      Arme os atranques ande, que teño gana de velos !!!
      Apertas

  4. Noraboa os participantes do entroido de Oza, e tamén a falabarato, por permítirnos ver estes desafíos, e disfrutar!
    Gústaronme moito!
    quedou chulo, ver como nin deixan o vaso para cantar,
    menos mal que existe a viagra para algúns! jaja,

  5. Está moi ben a canción. Creo que as mulleres gañaron por goleada unha vez máis.

  6. O que pode presumir de instrumento é o cabalo, ese non precisa viagra ningunha!

    Agardo a continuación das regueifas que miro con gusto.

    Asistiu a luna lunaza ao entroido de Oza.
    Mais permíteme que dude da súa discreción. A discreta sería a túa mirada.

  7. Áptera says:

    Dis que “por aquí irán pasando Guardiola, Mouriño, Obama…”
    Pois non agardes moito a poñer a Guardiola (mmmmm)

  8. Harmony says:

    Os vosos entroidos de Oza, cada ano, están máis traballados e son máis animados. Agardamos pola segunda parte.

    [O cabaliño branco baixo o efecto da lúa chea relucente,siii].

    Encantoume a reportaxe!!!

  9. Eu tamén pido ver a Guardiola!
    Moi boa a canción e moi bo o ambiente

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: