post

os precursores

Corría o ano 2001 e eu acababa de instalar a ADSL. Apenas pasara un mes diso cando me chegou ao correo un vídeo que me deixou apampado. Era un traballo do grupo de teatro Berrobambán que se titulaba Eu coma Bugui, e disque foi o primeiro vídeo galego en descargarse de internet, e que en tan só nun mes acadou máis de mil descargas.

O asunto do que trataba o vídeo era tan vello como o mundo: a loita polo poder. Os protagonistas desta historia tan shakesperiano/compostelá eran Encarna Otero, soberbiamente caracterizada, e o alcalde Bugallo, co telón de fondo do derrubamento dun local okupado coñecido como Casa Encantada.

Perdín aquel vídeo e intentei ben veces descargalo, pero sen éxito. Estes días volvino intentar e atopeino, así que lle fixen uns axustes de urxencia e subino ao Vimeo, que non quixera que se volvese perder. A calidade do visionado non é boa [e que lle imos facer?], pero o traballo de Berrobambán segue a parecerme tan espléndido coma hai dez anos.

Para ver o vídeo, preme na foto.

Comments

  1. Ala! Outro achado dos teus! Vaia ritmo que levas, eh! Si que é difícil seguirte…
    Un pracerrr, Falabarato.

    A tirar muros e a bailaaar
    si señor
    bugui, bugui…

  2. Rinme moito, e iso que eu non estou “no allo”.

    que saibas que me gusta a etiqueta esa o ano da pera… querería tela eu para min, lástima non se me ocorrira antes ca tí 😦

  3. Silledense says:

    Que mala leche coa Encarna Otero. Neses anos estudaba eu en Santiago e é verdade que facían moita mofa dela polo seu “pijerío” (que non sei como se di eso en galego…

  4. Está moi ben o título tendo en conta que é un documento informático case incunable: os pre-cursores.
    A súa calidade non será boa, segundo o experto Falabarato, pero eu vino varias veces e aínda non me decatei…Éche boa verdade esa sentenza que di que a beleza está nos ollos do que mira.
    O Chiqui Pereira está impresionante. De Encarna ata os andares…
    Noraboa unha vez máis e sempre.

  5. Anónimo says:

    Impresionante. Haillo que facer chegar ás Baccara. Eu comprométome a buscar un correo electrónico.
    Moi boa idea subir os inicios desta toleada actual.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

%d bloggers like this: